Welkom op de site van vastelaovesvereniging De Uule Awt Gelaen.

Anno 1957 

Prins Stephan II, Janssen.

De nuuje Jeugprins Yur I, Wehrens oet de Pesjtaor Vonckensjtraot

Dit is een site die de Limburgse cultuur hoog in het vaandel heeft. Voor hen die geen Limburgs kunnen lezen hopen de webmasters dat het een uitdaging is om zich te verdiepen in een van de vele Limburgse tradities en cultuur en uiteraard daarmee ook in het Limburgs dialect.  Helaas lukt het niet om de bij Veldeke gebruikelijke accent's en unmlauttekens in de site te verwerken. Wij vragen hiervoor uw begrip.

Veer behawte os 't rech om uch 'n get angere indeiling van de knoppe aan te gaeve omdat dees neet zeen aan te passe: "Hoofdpagina" blif de eesjte pagina mit allerlei nuuje informatie. 
"de club" kent geer auch informatie euver beveurbeeld os Prinsen en Awt Prinse, Leje van Verdeenste, AJU en gangk zao mer door venge. 
"Het Bestuur" geuf informatie weer euver de vereniging zelf. Belangriek is dat geer klikt op dae knop mit de tekst
"activiteiten" veer probere dao os activiteite bei te hawte en zoa actueel meugelijk. Geer zeet, veul uch vrie om ens te "surfen" euver de knop zo wie ze noe sjtaon. Veur get foto's mot geer mer ens op 't knopke klikke van
"meer foto's" kiek mer dao rechts, good zao, klik mer d'rop.

In de zitting Vastelaovend Same is op zaoterdig 5 jannewari aafsjeidt genomme van Gertie en Jo Jaspers, Celine Vroemen mer auch van Sjoerd II Jaspers. Vastelaovesvereniging De Uule willen hun bedanke veur de leuke tied en veer zeen os ongetwiefeld waal op ein of anger activiteit.

Bie zien informeel aafsjeid van de Uule haet Sjoerd II de leeje ein sjaon aafsjeidskedoo gegaeve.

Vervolges waor 't zoa-wiet in de zitting van 5 jannewari.

Veurdat begoosj woort aan 't aafsjeid waor d'r eesj nog ein anger tradisie die auch dit jaar zien vervolg kende. 't Oetreike van de medaai-je die beheuert bie 't Lid van Verdeenste: Hub Frenke Orde. Hieveur waor dit jaor de keus gevalle op Jan Konig, same mit zien echtgenote Fernande gein onbekende in de gelaense culturele waereld. Ich neum: Rammesjangclub, Kiwanis en gangj zoa mer door. Naodat Jan mit zien vrouw in de wermte van de Leeje van Verdeenste waor opgenomme door de aanwezige Hub Frenke orde dragers waor 't dan zoa-wiet en ging 't aaftraeje van Sjoert Jaspers beginne. 

De awt prinse hawwe zich weer get laote invalle wat ?t aaftreje waardig waor. Onger begeleiding van bob oet de Paul de Leeuw show woort eine waereldse tour langs allerlei plaatse gemaakt wo Sjoert waal @ens gewaes waor mit de marine. Nao de prove van bekwaamheid woort hae dan auch oet de zaal aafgeveurd door de awt Prinse in alvas opgenomme binnen hun club.

Toen waor 't dan toch langzaam aan tied gewore veur 't oetrope van de nuuje prins. Hieveur waor weer ein laevendige discussie op gank gekomme en haet zelfs geleidt tot 't poole van de naam van de nuuje prins. Mit ein truuk waor auch dit jaor gebroek gemaakt van de sjnake oet de hoeskepel de Ealenjers. Onger de koker sjtong eine van hun mer wae??? Dat bleek oeteindelik dan auch Stephan Janssen te zeen dae dao mit Stephan II woort.

Naeve zien hobbies es 't voetballe, en de AJU (awt JeugdPrinse Uule) wirkt hae in Haerle op ein sjoal.

Daobie is 't 11 jaor geleeje dat hae jeugprins is gewaes. same mit ziene pap John Janssen viere zie dit op de reseptie op 13 jannewari 2008 in de Boew. Aanvangk 14.11 oer.

Kenjerzitting 23-01-2008:
In ein aafgelaaje volle zaal met awwesj en zeker neet te vergaet de kenjer waor 't op 23 jannewari 2008 zoa wiet. De nuuje jeugprins van v.v. De Uule ging oetgerope waere. Dit gebeurde op ein good geleide zitting door Rainer Teschers dae de functie van sjpraeksjtalmeister van Herman Sour haw euvergenomme

Veurdat dit ging gebeure waor d?r natuurlik nog aafsjeid dat nomme van Luuk II. Hae deeg dat op ein formidabelle meneer. Hiebie wol hae neet veurbie gaon aan eine tip dae hae van Nic Smeets haw gekrege. Naodat aafsjeid genomme waor van de jeugraod en zien mam mit ein puuske blome ontbooj hae nog eine kieer es uuleprins, Nic Smeets op de buun. Nic Smeets is neet allein awt Opperuule mer heden ten dage auch veurzitter van sjotterie Marcelinus en Petrus oet wt Gelaen. Nic kreeg van Luuk zien insjriefformeleer euverhanjigt om lid te waere bie de sjotterie. Nic wist dees geste dan auch zeer te waardere en reep de anger jeugdprinse op om luuk zien veurbeeld te volge. Luuk II woort vervolges wie dat eedere prins gebeurt, geplokt. Dat ging wie altied mit de neuedige emosies gepaard mer is auch neet ongewoon. Dat is allein mer ein good teike en wilt zegke dat ed prins, in dit geval de jeugprins d'r van genaote haet en noe aafsjeid mot gaon numme van zien prinssjap.

De awt Jeugprinse Uule  wiste vervolges mit eine sjieke en good oetgewirkde act Luuk zoa wiet te kriege dat hae bie dees groep opgenomme woort. Dat gebeurde op ein super meneer en wie de AJU?s  Luuk hawwe veurzeen van ?t felbegeerde AJU-shirt en oeteinelik de awt jeugprinse medaaje woort hae van de buun aafgedrage.

De nuuje jeugprins woort ongertosje klaorgesjtoumd veur zien jeuprinsjap en same mit zien kompane Twan en Juul onger de prinskoker gezat woort. Yur I sjpron vol energie onger de koker oet wie zien mement dao waor. Yur is eine zoon van Petra en Petro wehrens oet de Pesjtaor Vonckensjtraot. Luuj die zeker neet onbekend zeen in awt Gelaen en kennis hobbe van de vastelaovend es prins. Yur zien opa waor al ens prins in ?t Haverbuleriek zoa auch ziene pap es jeugprins in datzelfde riek van de Haverbule. Yur sjpeelt onger angere gaer op de sjpelcomputer mer auch waal mit zien vrunj. Hae zit nog oppe basissjoal de Driesjprongk en is bienao toe aan de citotoets.

Ziene liefsjpreuk geit es volgt:

Miene opa en pap ginge mich al ens veur es prins bie de Haverbule,

Mer noe is het mien beurt es Yur de iesjte bie de Uule.

Om de awt Gelaender vasteloavend zien glans en kleur te gaeve,

Same mit miene mam, pap en de jeugdroad zult geer ?t goan belaeve.

Maak sjpas, plezeer en gaef gaas dees vasteloavesdaag!

Letst biegewirkt op 23-01-2008, door Roel Vranken en Rainer Teschers

Foto's door Remy Nieste en / of Debbie Kakisina